مُعاينة البيانات الشخصية
الهموم لها انواع واحجام مختلفه
الهم يقدر يكون صغير مثلا طالبه مو مسويه الواجب وخايفه من ردة فعل الابله
او يكون كبير مثلا وفاة شخص قريب لك ( الله يحفظ الي يعزون عليكم يارب) مثل هالهم يكون صعب على الانسان يتحمله
كلنا بشر ومعرضين للمشاكل والهموم هذي حال الدنيا.. مثل ما اكو اخبار تفرح اكو اخبار تكدر الخاطر
انا ملاحظ الي بعمرنا دايم يشكون من مشاكل
ويع زهقت من امي.. ويع ابوي شفيه جذي.. اووف مليت من حياتي.. خرا على الدنيا محد كفو.. ابي اموت
هاا؟ محد قال وحده من هالجمل اب حياته؟ انا اعرف ناس ماعندهم غير هالحجي طول يوم واهما يشكون
انا عندي نصيحه لكم مادري اذا راح تفيدكم بس ماكو ضرر من المحاوله
كل ما صارتلك مشكله ولا شي مسببلك هم وشاغل تفكيرك اول خطوه تسويها فكر اب خياراتك الي ممكن تحل المشكله او تقلل منها
ثاني خطوه لازم تتاقلم مع اختيارك لان ساعات ما يكون هالاختيار شي انته عاجبك بس مضطر تسويه.. كل مشكله لها ظروفها ولازم كل واحد يتخذ قرار على حسب هذي الظروف
اعطيكم مثال:
اذا مثلا اضطريت تاخذ قرض حق واحد من اهلك للعلاج لا سمح الله وهالقرض هذا مو مخليك تاخذ راحتك بالصرف
اول شي تسويه تشوف اختياراتك.. تقدر مثلا تقلل من المصاريف الي مالها داعي او تقدر تشوفلك وظيفه تتطلب منك جهد اكثر بس تعوضك بالفلوس
هذول اختيارين من وايد اختيارات ويمكن ما يعجبونك بس مضطر لان ظرف مشكلتك يطلب انك تسوي جذي
عقب ما تختار شي لازم تتاقلم وياه عشان تعيش مرتاح
مثلا اذا اخترت تشوفلك وظيفه تبذل فيها جهد لازم تتاقلم فيها من الناحيه النفسيه والجسديه ولا تشوف ان هالشي الي تسويه سلبي ومغصوب عليه لازم تشوف ان هالشي راح يعيشك عيشه طيبه واب هطريقه تقدر تكون سعيد
مثال ثاني ويعانون منه وايد بويات واسمحولي على الصراحه:
في كثير من البويات اهلهم مو متقبلين الي اهما فيه.. وهالشي مو عيب بالعكس هذا يبين حرص الاهل وحسن تربيتهم لان بالنهايه مجتمعنا ما يتقبل البويه
بنظرة المجتمع البويه شي سلبي وعلى قولتهم عيب
ووايد بويات يعانون من هالمشكله مع اهلهم وتكون اهيا سبب رئيسي اب تعاستهم
شنو الاختيارات اب هالحاله؟ في وايد
البويه تقدر تتوصل حق حل وسط ويا اهلها بدال ما كل يوم مطاققين
ويمكن يكون هالحل مايعجبها بس مثل ماقلت هذي ظروف المشكله ولازم نتاقلم فيها
خنقول مثلا اهلكم ودهم تغيرون من ستايلكم شوي
هالاختيار هذا الوحيد الي راح يحل مشكلة حنت الاهل فلازم تقبلون فيه وتتاقلمون
شلون تتاقلمون اب هالحاله؟ لازم انتو تكونون من داخل واثقين من نفسكم ومهما غيرتو بالستايل انتو من داخل عارفين انتو شنو
واذا على نظرة الناس ( عالم البويات والليديات ) فهالعالم ماراح يدوملكم ومع احترامي للجميع اغلب الي فيه زباله وماظن انتو بتحطون اهتمام حق راي ناس زباله صح؟
ثاني شي ربعكم وحبايبكم عارفين انتو شنو ومستحيل تتغير نظرتهم
هذي شغله راح تخلي الواحد يتاقلم
الشغله الثانيه اهلكم راح يخفون حنه ويرضون عليكم.. شنو اكو اغلى من رضا الاهل ؟
وايدين الي اشوفهم يكبرون الموضوع يقولون لا مابي ولو شنو ماغير ستايلي انا مو خنيث
هدو اعصابكم محسسيني باجر يوم الدخله على عروستكم
في 100 الف ستايل مو الا تجفسون القميص يعني عندي عضله وتدخلونه تحت الحزام الي على مسدس والجوتي تقول طراد عشان تثبتون انكم بويات
الي ابي اوصله ان الطريقه الي قلتها عن طريقة تقليل الهموم تقدرون تطبقونها على كل شي والدليل الامثله الي قلتها
الله يبعد الهموم ويحفظكم ويحفظ الي يعزون عليكم
انشالله يكون كلامي فادكم ولحد يزعل هذا مجرد رايي المتواضع
